Rama në Poliçan: Koha për kombinatin mekanik, Europa e mobilizuar për pika prodhimi të industrisë ushtarake

I ndodhur në qarkun e Beratit, kreu i PS-së Edi Rama është ndaluar edhe në Poliçan. Kryeministri u ndal tek investimet e reja që do të bëhen në këtë qytet, ndër to edhe rruga e re Berat- Poliçan- Skrapar. Rama tha se një tjetër investim me rëndësi do të jetë edhe hapja e kombinatit të Poliçanit, dhe se Europa është e mobilizuar për të pasur pika të shtuara të prodhimi të industrisë ushtarake

”Rrugën e re Berat-Polican-Skrapar dhe kjo rrugë do të jetë një rrugë që do të ngushtojë distancën dhe do të shpejtojë lidhjen tuja me Beratin dhe Tiranën. Do të krijohet një Unazë e bukur që do të sjell më tepër investime dhe turizëm. Kanë filluar që të kthehen njerëz që investojnë dhe do të kthehen edhe më shumë me rrugën e re.

Kemi zgjidhur çështjen e atyre që ishin kontributi të industrisë ushtarake, jemi duke punuar dhe për kombinatin e Poliçanit, e kemi pjesë të planeve tona dhe jemi duke diskutuar me disa palë të interesuara dhe do të kemi edhe rezultate sepse duam që ta rihapim në kushtet kur e gjithë Europa është e mobilizuar për më shumë pika prodhimi të industrisë ushtarake”.