Rama për ”France24”: Nuk jemi ne ngadalë, por BE-ja. Procesi është si pilulë kundër depresionit

I kthyer në epiqendër të Samitit të BE-së me Ballkanin Perëndimor në Bruksel, si edhe ”tensionet” me Bullgarinë, kryeministri Edi Rama ka dhënë një intervistë për ​​”France 24”, ku thotë se BE-ja është ngadalësuar shumë drejt së ardhmes së saj, e jo Shqipëria. Kreu i qeverisë thekson edhe se procesi është si pilulë kundër depresionit.

Media franceze shkruan ndër të tjera se Rama është bërë gjithnjë e më i frustruar nga mungesa e progresit për procesin e anëtarësimit të vendit të tij në BE: fillimisht duke kërcënuar se nuk do të vinte në takim, më pas duke njoftuar më pas se procesi po “rrëmbehej” nga vetoja bullgare mbi procesin e pranimit të vendit të tij dhe Maqedonisë së Veriut.

“Rama vazhdoi duke e përshkruar statusin e kandidatit në BE si “një lloj pilule kundër depresionit për të rritur moralin e vendeve, por tha se ai e ndjente “të drejtë të njihte ukrainasit si një komb që po bëjnë shumë për ne, sesi ata parandalojnë avancimin e kundërreformës më të frikshme në botë që Putin dëshiron të vendosë”, raporton France24.