Rama përkujton presidentin Rugova: Në çdo vit që kalon ylli i tij rritet në qiellin e kujtesës sonë kombëtare

Kryeministri Edi Rama ka përkujtuar 16-vjetorin e ndarjes nga jeta të Ibrahim Rugovës. Rama shkruan në facebook se në çdo vit që kalon ylli i tij rritet në qiellin e kujtesës sonë kombëtare.

“Në këtë ditë të ngarkuar emocionale të vitit, kujtojmë edhe njeriun e madh të historisë së Kosovës, udhëheqësin më atipik ndër të shquarit e historisë sonë, presidentin e parë të shtetit tjetër të pavarur të shqiptarëve, Ibrahim Rugovën, i cili u nda nga jeta sot e 16 vjet më parë, por në çdo vit që kalon ylli i tij rritet në qiellin e kujtesës sonë kombëtare”.