Rama pret kryebashkiakët e mbetur: S’ka pushime, takoni njerëzit në çdo zonë

Kryeministri Edi Rama, dje takoi deputetët e PS dhe sot mësohet se ka nisur një takim me kryebashkiakët. Takimi ka nisur në orën 11:00 dhe zhvillohet në kryeministri. Në fokus është fushata zgjedhore 2021. Rama u ka thënë kryebashkiakëve që të mos bëjnë pushime, ndërsa u ka kërkuar që të zbresin në terren dhe të takojnë njerëzit duke respektuar masat anti-covid. “Nuk do të ketë pushime! Vijoni punën me takimet me njerëzit! Pavarësisht situatës së pandemisë gjeni mënyra për të zhvilluar takime me qytetarët në çdo zonë”.