Rama promovon plazhin e Porto Palermos

I shtrirë mes kodrave të gjelbra dhe ujërave të detit Jon, Plazhi i Porto Palermos në Rivierën shqiptare ofron një destinacion perfekt për vizitorët, qofshin ata vendas ose të huaj. Kryeministri Edi Rama ka ndarë me ndjekësit foto nga ky plazh, i cilësuar si një nga zonat më të bukura të bregdetit shqiptar. Plazhi ka një pamje spektakolare me guralecë të bardhë, me ujëra të kristalta dhe në krye një kala 200-vjeçare. Ajo njihet me dy emra, kalaja e Porto-Palermos ose kalaja e Ali Pashë Tepelenës.