Rama: Sot mbledhim 90 % të mbetjeve në vend. Himara histori suksesi

Kryeministri Edi Rama, i pranishëm në Forumin e Menaxhimit të Integruar të Mbetjeve dhe Ekonomisë Qarkulluese, u shpreh se qeveria ka kohë që merret me këtë problematikë dhe i ka kushtuar një vëmendje të jashtëzakonshme, sidomos nga nisja e mandatit të tretë.

“Bilancet janë pozitive, por nevoja për të ecur shumë më shpejt më parë është realisht therëse. Ajo që vlen të përsëritet si fakt është që kur ne e nisëm këtë rrugëtim në Shqipëri 50% e mbetjeve mbeteshin rrugëve, i merrni ujërat, digjeshin në fusha shumë pranë zonave të banuara dhe faktikisht banorët e Kombinatit në Tiranë, ata të Elbasanit apo Fierit ku sot situata është tjetër, e kujtoni se çfarë ndodhte në zonat e tyre me malet e plehrave që sillnin ajër të ndotur në çdo dritare. Nëse 50% e plehrave mbeteshin rrugëve dhe ktheheshin në lëndë toksike mbi tokë, sot ne jemi në 90% të grumbullimit të tyre dhe kemi akoma një sasi relativisht të vogël që mbetet e pa grumbulluar. Dua të përmend Himarën si histori suksesi. Shembulli i Himarës është një shembull i jashtëzakonshëm, i një zgjimi të befasishëm të kryetari të bashkisë dhe i një pune që është pasqyrë për tu marrë shembull nga të gjithë”, tha Rama.