Kryesocialisti Edi Rama po vijon turin e tij elektoral në qarkun e Fierit. Këtë pasdite po zhvillon takim me rininë socialiste fierake. I shoqëruar nga drejtuesit politikë të qarkut, kandidatët dhe strukturat, kreu i mazhorancës shprehet: ”Mes energjisë së të rinjve që drejtojnë fushatën “Votues i Parë për Pasaportën Europiane”. Fjalët hapëse e mbajtën të rinjtë e shtabit elektoral të PS-së, në sallën e tejmbushur.
“Në këtë rrugëtim drejt 11 majit, jemi ndalur për të bërë takime të veçanta me vajzat dhe djemtë, duke filluar me ata që votojnë për herë të parë. Sepse këto zgjedhje janë më të rëndësishmet prej shumë e shumë kohësh, pikërisht për votuesit e parë, të ejat dhe të rinjtë.
Nuk ka zgjedhje të parëndësishme, por nganjëherë fati të vë mbi supe, kur ditën e zgjedhjeve bashkohen edhe detyra për të zgjedhur një palë apo një individ për të drejtuar vendin, edhe misioni për të çuar përpara vendin tëndë, duke u takuar me historinë. 11 maji është takim me historinë”, tha Rama mes të tjerash.
