Raporti i DASH për trafikun e qenieve njerëzore, Vasili: Këmbanat bien për Rilindjen

Departamenti Amerikan i Shtetit publikoi raportin mbi trafikun e qenieve njerëzore për vitin 2021, ku për qeverinë ”Rama 2”, thuhet se nuk i përmbush plotësisht standardet minimale për eleminimin e trafikimit, por që po bën përpjekje të konsiderueshme për ta bërë një gjë të tillë.  Për nënkryetarin e LSI-së, Petrit Vasili kjo tregon se është një këmbanë për Rilindjen. ”Shqipëria e dyta në botë për drogën, trafikimi i qënieve njerëzore në situatë kritike, krimi i organizuar veçse rritet. Ka vetëm një fajtor: Rilindja me Edi Ramën në krye. Situata më e rëndë në 30 vjet pluralizëm”,-shkruan Vasili.

Postimi i plotë

DASH i qartë, këmbanat bien për Rilindjen dhe çdo ndërkombëtar “pa sy dhe veshë”. Raportet e Departamentit Amerikan të Shtetit, në mënyrë të njëpasnjëshme janë negative dhe shumë kritike për qeverinë e rilindjes, vit pas viti.

Shqipëria e dyta në botë për drogën, trafikimi i qënieve njerëzore në situatë kritike, krimi i organizuar veçse rritet.
Ka vetëm një fajtor: Rilindja me Edi Ramën në krye. Situata më e rëndë në 30 vjet pluralizëm.

I patolerueshëm ekzaltimi i disa të huajve në Shqipëri, që bëjnë sikur nuk shohin dhe nuk dëgjojnë dhe mbështesin këtë qeveri turpi. Këmbanat e DASH kanë kohë që bien fort, jo vetëm për Rilindjen, por edhe për çdo ortak të tij vendas apo të huaj.