Raporti i Finos: Bashkitë ku PS doli më keq se në zgjedhjet e 2013

Referuar raportit të Sekretarit të Organizimit Administrativ në PS, Bashkim Fino janë tre bashki ku PS-ja pësoi rënie drastike në zgjedhjet parlamentare të 25 qershorit.

Fino ka bërë evdentimin e zonave të vendit të cilat gjatë zgjedhjeve të vitit 2017 patën një rezultat më të ulët se në parlamentaret e 2013-ës. Raporti i Finos përfshihen 120 njësi administrative vendore dhe 383 të tjera në shkallë vendi, përfshirë bashki dhe njësi administrative.

Në 16 bashki rezultati ka qenë 50% më i ulët ndërsa në bashkitë Devoll, Peqin e Kamëz të gjitha njësitë administrative janë më dobët se në vitin 2013.

Po ashtu Fino në raport ka rreshtuar edhe shkaqet se pse është arritur një rezultat kaq i dobët në zgjedhjet e këtij viti., duke evidentuar mungesën e aktivizimit të anëtarësisë apo dhe premtimet për vende pune nga forcat e tjera politike.