Rikthehet protesta në Durrës, qytetarët: Çmimet një krim ekonomik, qeveria të ndërhyjë

Qytetarët në Durrës i janë rikthyer protestës kundër rritjes së çmimeve, edhe pse nesër do të mbahet protesta e dytë kombëtare para Kryeministrisë.

Protestuesit u mblodhën në sheshin kryesor të qytetit para bashkisë dhe kërkuan ndërhyrjen e qeverisë për t’i dhënë fund spekulimeve, siç thonë ata, ngritjes së vazhdueshme të çmimeve nga ana e tregtarëve të produkteve ushqimore dhe bukës.

Dy javët e fundit çmimet e bukës dhe produkteve të shportës ushqimore janë rritur nga 20-50 përqind.