Ristani: Rama braktis qytetarët për të shijuar luksin

Sekretari i Përgjithshëm i Partisë Demokratike Arben Ristani akuzon Kryeministrin Edi Rama se vijon të qëndrojë në Firence për të kaluar fundjavën, duke mos u interesuar se çfarë po ndodh me qytetarët shqiptarë në një kohë që drama sociale vjen duke u rritur.

“Po bëhen 24 orë që Edi Rama shijon fundjavën e luksit në Firence dhe nuk ka pse shqetësohet pse një kryefamiljar i dha fund jetës se s’paguante dot energjinë, një fëmijë i vogël vdiq nga i ftohti pasi bashkë me familjen jetonte në kushte tejet të veshtira, apo se një person humbi jetën dje në Tropojë duke u munduar të nxjerëe bukën e fëmijëve, apo se mijëra shqiptarë po vidhen nga mbifaturimet e energjise nga OSHE. Sot, shqetesimi i vetëm i Edi Ramës është luksi i tij dhe miqve të tij”, ka thënë Ristani.

Për këtë, Ristani i referohet rastit të qytetarit që u vetëvra pasi nuk kishte mundësi të paguante energjinë elektrike, apo raste të tjera të ngjashme.