Rreziku nga sulmet kibernetike, Qiriazi: Diplomacia të jetë e mprehtë, vështirë ta dallojmë

Eksperti për Çështjet e Sigurisë (IDM), Redion Qiriazi ka folur për rrezikun nga sulmet kibernetike. Qiriazi u shpreh se që në dhjetor të 2018, Shqipëria largoi ambasadorin iranian bashkë me një nënpunës, veprim i cili pasoi me një reagim nga Irani se ishte një keqkuptim i influencuar nga SHBA. Sipas tij ekziston probabiliteti që një kërcënim kibernetik të jetë i vijueshëm pavarësisht se e kemi të vështirë ta dallojmë.

“Në çështjet e Sigurisë Kombëtare ne tregojmë vlerat si komb, duke ardhur nga një regjim shumë i ashpër diktatorial e kuptojmë se çfarë do të thotë të jesh i burgosur. Diplomacia për këto situata duhet të jetë më e mprehtë. Ne kemi konsumuar shumë nga siguria që ofron aleanca, kemi mirëpritur nivelin e riskut për vendin ton, por në të njëjtën kohë kemi një lloj sigurie nga aletatët”,deklaroi Qiriazi në ”Abc News”.

Qiriazi sa i përket rikthimit të ish-luftëtarëve të Isis, duke kujtuar edhe vdekjen e një të riu nga Gjilani, u shpreh se shteti duhet të marrë masa. ”Në mënyrë konstante ka kërcënime të sigurisë, çdo ditë që kalon bëhen potencial më i madh për tu afruar organizatave terroriste. Ata janë qytetarët tanë dhe në këtë mënyrë kemi detyrimin ti mbrojmë”.