Ruçi, sherr me deputetët e PS për kuorumin

Mazhoranca qeverisëse nuk po kalon një periudhë të mirë sa i përket numrave në Kuvend.

Po bëhen tre seanca radhazi, ku mazhoranca e ka humbur jo vetëm shumicën e cilësuar, por edhe shumicën e thjeshtë, pasi po i kalon ligjet me 54 apo 61 vota.

Sipas gazetës Sot, kjo vjen për shkak të marrëdhënieve të tensionuara mes PS dhe LSI.

Kjo ka bërë që kryetari i Grupit Parlamentar të PS, Gramoz Ruçi, të nisë një komunikim të tensionuar me deputetët, duke u kërkuar që të jenë në Kuvend, pasi po rrezikohet edhe kuorumi.

Ruçi u ka thënë atyre se kuorumi është bërë falë deputetëve të Partisë Demokratike, që kanë qenë të pranishëm në seancat e votimit të ligjeve.

Ndërkohë gazeta shkon më larg, kur thotë se nuk dihet nëse ka një pakt mes PS dhe PD për këtë çështje.

Megjithatë e vërteta është se mazhoranca po has vështirësi në kalimin e ligjeve me shumicë të cilësuar dhe çdo seancë po shoqërohet nga pasiguria për numrat.