Sali Berisha bashkë me familjen voton në shkollën “Kosova”: Do të kemi një ditë të dytë vere

Kryetari i Partisë Demokratike, Sali Berisha, ka ushtruar sot të drejtën e tij të votës në kuadër të zgjedhjeve të përgjithshme të 11 majit.

Ai ka votuar në qendrën e votimit pranë shkollës “Kosova” në Tiranë, i shoqëruar nga bashkëshortja Liri Berisha.

Berisha është një nga liderët kryesorë të partive politike që ka marrë pjesë në votim gjatë paradites, në një proces që do të përcaktojë përbërjen e ardhshme të Parlamentit të Shqipërisë.

Kreu i PD-së, Sali Berisha, pasi votoi në qendrën e vendosur në Liceun Artistik në kuadër të zgjedhjeve parlamentare u ka bërë thirrje qytetarëve të shprehin vullnetin e tyre.

Berisha, i cili kandidon për postin e Kryeministrin, u shpreh se qytetarët sot duhet të votojnë për të ardhmen e tyre.

I pyetur nëse do ta pranojë rezultatin, Berisha u shpreh se “do të kemi një ditë të dytë vere”.

“Sot të votojnë, për veten e tyre, për fëmijët e tyre, për pensionet dhe rrogat e tyre, për punësimin, biznesin, fermën e tyre, të votojnë për të ardhmen e fëmijëve të tyre në këtë vend.

Çdo njeri që takova, takova njerëz të gëzuar, të sigurtë në votën e tyre dhe mezi presin rezultatin.

Do të kemi një ditë të dytë vere. Thirrja ime është votoni, votoni”, tha Berisha.