Sali Berisha thirri protestë në ditën e Samitit europian në Tiranë, policia e refuzon!

Policia e Tiranës ka refuzuar kërkesën e Partisë Demokratike për të zhvilluar protestë ditën e Samitit europian në Tiranë, më 16 Maj.

Për shkaqe sigurie, blutë e kryeqytetit i kanë kthyer përgjigje negative opozitës për tubimin e thirrur tek Bulevardi i ri në orën 17:00.

Ky vendim është marrë për shkak se protesta e thirrur nga Berisha pas humbjes së zgjedhje parlamentare, është afër perimetrit të sigurisë së Samitit.

“Libri i zi i këtyre zgjedhjeve shkruhet me datën 16 në ora 17:00 në Bulevard për të sensibilizuar opinionin publik botëror mbi krimet monstruoze të përbindëshit elektoral Edi Rama, që nuk respekton asnjë rregull, asnjë ligj kombëtar dhe ndërkombëtar për zgjedhjet”, deklaroi kryedemokrati.