Serbët të kënaqur me Ramën

Serbët u habitën nga dashamirësia që tregoi kryeministri shqiptar, për futbollistët dhe stafin e tyre. Me të mbërritur në Beograd, presidenti i federatës serbe, Karaxhiç foli me superlativa për mikpritjen që tregoi Rama, edhe gjatë momenteve të ndeshjes.

Tomislav Karaxhiç tregoi se Rama kishte bërë një foto në grup me kombëtaren serbe pas gjysmës së parë të ndeshjes. “Në gjysmën e parë të ndeshjes, ai erdhi, na përgëzoi për lojën dhe kërkoi një fotografi në grup. Ai ishte një njeri i madh, një zotëri. Pas ndeshjes na përgëzoi, stoik i pranoi të gjitha e na tha se kështu është futbolli, ishte i mrekullueshëm”. Presidenti i Federates Serbe te Futbollit tha për mediat se ndoshta, pa dronin ne Beograd, gjithcka mund të ishte më e lehtë mes dy kombëtareve.