SHBA hoqi non gratën? Berisha në Shkodër: Mirënjohje të pakufishme për Trump

Në mbylljen e fushatës së PD-së për qarkun Shkodër, këtë mbrëmje Sali Berisha ka falënderuar të gjithë shkodranët për mirënjohjen, duke u shprehur se më 11 maj do të hapet një kapitull i ri. Kreu i PD-së nuk la përmendur edhe çështjen e “non-gratës” nga SHBA, teksa shprehur mirënjohje të pakufishme për presidentin Trump, që i preu kokën gjarprit Soros në Uashington.

”Miq, e dëgjuat vetë lajmin. E vërteta triumfoi. Ndaj dhe një mirënjohje të pakufishme për presidentin Trump që i preu kokën gjarprit Soros në Uashington.

Por një mirënjohje të thellë për të gjithë ju që qëndruat, nuk u mposhtët dhe votuat PD edhe në kohërat më të vështira.

Me 11 Maj, Shkodra dhe Shqipëria hap një kapitull të ri. Ndahet nga një diktaturë, rivendos dinjitetin e qytetarëve.

Mbi të gjitha kthen shpresën, kthen besimin, kthen dinjitetin, kthen të ardhmen e qytetarëve të vet.

Kthen shpresën dhe besimin tek Shkodra dhe Shqipëria. Rrofshi ju, rroftë Shqipëria. Fitore, fitore, fitore”,-tha Berisha.