Sherefedin Shehu, kandidati i PD-së për Kryebashkiak të Dibrës

PD, duket se nuk po humbet asnjë moment për zgjedhjet e parakohshme në bashkinë e Dibrës. Për këtë, ajo mësohet se ka përzgjedhur edhe kandidatin e saj. Burime të konfirmuara bëjnë të ditur se kandidat i PD-së për kryebashkiak në Dibër, do të jetë Sherefedin Shehu.

Sherefedin Shehu, aktualisht është deputet i kësaj partie, i zgjedhur në qarkun e Dibrës.

Sa i përket pasuesit të deputetit Sherefedin Shehu në organin legjislativ, pritet të konfirmohet nëse do të jetë Ekrem Spahia, i radhës në listën për deputetë në atë zonë, apo emri tjetër që përflitet, Dhurata Çupi, që siç bëhet e ditur mund të marrë mandatin e Shehut për shkak të plotësimit të kuotave gjinore në zonën e Dibrës për Partinë Demokratike.

Zgjedhjet në Dibër mbahen pas shkarkimit të ish-kryebashkiakut Shukri Xhelili, për shkak të videoskandalit ku shfaqej të kërkonte favore seksuale për një vend pune të ofruar.