Shkëlzen Berisha padit ish-juristin e OSHEE për shpifje dhe paralajmëron disa të tjerë

Shkëlzen Berisha, djali i ish-Kryeministrit Sali Berisha, ka paditur në Prokurori ish-juristin e OSHEE-së Romeo Karaj, lidhur me deklaratat e tij se Shkëlzen Berisha ka udhëtuar me Kastriot Ismilajn për në Pragë.

“Përgjigja më e mirë për shpifësit është rruga ligjore. Në këtë mënyrë do u jepet mundësia të flasin aty ku duhet dhe jo atje ku nuk mbajnë asnjë përgjegjësi për shpifjet tyre. Padi të tjera do të vijojnë në ditët në vazhdim”,- shkruan Shkëlzen Berisha.

Sipas Romeo Karajt, Kastriot Ismailaj ka marrë 1.5 mln euro nga CEZ para vizitës së tij në Pragë me Shkëlzen Berishën. Por ky i fundit i ka mohuar akuza, duke e ndjekur tashmë çështjen në rrugë ligjore, pasi pretendo se deklaratat e Karaj janë shpifje.

Berisha pranon se ka qenë në të njëjtin avion më 1 shkurt të vitit 2010 me Ismailajn drejt Vjenës, por se nuk ka qenë në Pragë me të.