Shkodra po rishkruan historinë e saj, Shiroka, moli i preferuari i Liqenit nga turistët

Shkodra po rishkruan historinë e saj. Kryebashkiaku, Benet Beci, në vijim të rivitalizimit të të gjithë aseteve që kanë bërë lavdinë e kësaj kryeqendre të veriut, ka parë dhe trajtuar me prioritet rikthimin në interesimin e dikurshëm të lundrimit në ujërat e Liqenit të Shkodrës dhe kthimin e kësaj mundësia në një në një vlerësim dhe konsiderimit të turizmit.

“Varkat turistike janë sot një realitet në Liqenin e Shkodrës, duke rikthyer lundrimin në këtë pasuri të të gjithëve. Falë mbështetjes së Fondit Shqiptar të Zhvillimit dhe Qeverisë Shqiptare, pranë molit të Shirokës janë ankoruar tashmë dy varkat e para turistike me kapacitet 33 vende secila që janë një mundësi për vizitorët në Shirokë për të shijuar magjinë e liqenit më të madh në Ballkan”, ky është postimi që ka bërë publik në rrjetet e tij sociale Kryetari i Bashkisë Shkodër, Benet Berci.

Liqeni i Shkodrës, i njohur për bukurinë dhe rëndësinë e tij turistike, tani ofron një eksperiencë të re me varkat turistike. Këto varka, të cilat janë një pjesë e projektit të mbështetur nga Fondi Shqiptar i Zhvillimit dhe Qeveria Shqiptare, janë ankoruar pranë molit të Shirokës. Me kapacitetin për të mbajtur 33 vizitorë secila, ato janë një shtesë e mirëpritur që do të lejojë njerëzit të eksplorojnë dhe të shijojnë Liqenin e Shkodrës, liqeni më i madh në Ballkan, në një mënyrë të re dhe emocionuese.

Shiroka, e cila pritet të jetë një nga tre molet në Liqenin e Shkodrës, do të bëhet një pikë kyçe për lundrimin turistik. Me tre stacione lundrimi, vizitorët do të kenë mundësinë të shohin pamjet fantastike që ofrojnë brigjet e liqenit nga një perspektivë e re. Kjo iniciativë pritet të rrisë ndjeshëm turizmin në zonë dhe të ofrojë një përvojë të pasur për ata që dëshirojnë të eksplorojnë bukuritë natyrore të Shqipërisë.

Lundrimi në Liqenin e Shkodrës ka një histori të pasur dhe të gjatë, që daton që nga kohët e Ilirëve. Fisi ilir i Labeatëve, si banorët e parë të zonave përreth liqenit, përdornin mjetet primitive lundruese të kohës për të naviguar nëpër ujërat e tij. Përgjatë gjithë rrjedhës historike të shqiptarëve, ku Shkodra ka patur rolin e vet qendror, lumenjtë dhe liqeni kanë qenë arteriet me rëndësi prioritare të qarkullimit të mallrave dhe mjeteve. Në shekullin e 19-të, ka pasur studime dhe projekte për rregullimin e kompleksit hidrologjik të lumenjve Buna dhe Drini, dhe të liqenit të Shkodrës, duke i dhënë qytetit tiparet e një porti detar.

Sot, Liqeni i Shkodrës është një destinacion i rëndësishëm turistik dhe një pikë kyçe për lundrimin në Shqipëri. Rivitalizimi i këtij aseti rikthen Shkodrës një ndër emblemat e saj ekonomike, por jo vetëm.

Albert Vataj / Koha Jonë