Shqipëria në syrin e italianëve? Hila: Emisioni nga ”Rai3” u pa nga 5 mln njerëz, si një perlë e vogël për t’u vizituar

Media italiane ”Rai3”, e ka kthyer në kryefjalë Shqipërinë në reportazhet që po bën, por edhe së fundi me intervistën që i mori kryeministrin Edi Rama. Gazetarja Ornela Hila u pyet cili është përceptimi i italianëve, pas dokumentarit për Shqipërinë. Hita theksoi se dokumentari është parë nga 4-5 milionë njerëz.

Ajo shtoi se marrëveshja për emigrantët mes Italisë dhe Shqipërisë nuk është komentuar pozitivisht, por nga ana tjetër Shqipëria është parë si një perlë e vogël për t’u vizituar.

”Dokumentarin e RAI3 e kanë parë 4-5 milionë njerëz. Rama është kritikuar nga qendra e së majtës. Marrëveshja nuk është komentuar pozitivisht, sidomos nga e majta, që e kanë parë këtë akord si shpëtuese elektorale për Melonin.

Nga pikëpamja politike, Meloni është e fituar sepse mbajti premtimin, pasi Gjadri do të funksionojë nën juridiksionin italian. Në sondazhet politike kryeministrja Meloni vazhdon që të jetë në krye.

Më pas erdhi edhe njohja e pensioneve. Kishte 15 vite që flitej njohja e pensioneve dhe ky ishte premtim tjetër i mbajtur i Georgia Melonit. Marrëveshja për emigrantët dhe njohja e pensioneve kanë qenë në interes të të dyja palëve.

Ajo që bën përshtypje është se Shqipëria është parë si perlë e vogël për t’u vizituar. Për fat të mirë, Shqipëria ka një perceptim pozitiv për turizmin”,-tha në ”News 24”.