Sokol Olldashi do bënte sot 44 vjeç, ja si e kujtojnë familjarët e tij

Familjarë, të afërm dhe miq të Sokol Olldashit, përkujtuan sot ditëlindjen e tij të 44.

Tezja e tij Yllka Mamaqi ka postuar sot një foto nga fëmijëria e tij e hershme. Ndërsa i vëllai, Ardian Olldashi ka vendosur ta kujtojë duke i dedikuar vargjet e Pink Floyd, “Vazhdo të shkëlqesh diamant i çmendur” (Shine on you crazy diamon), duke mosfshehur dhimbjen për humbjen e vëllait të tij edhe kur kanë kaluar 3 vite nga aksidenti fatal.

Sokol Olldashi, dy herë ish-ministër në qeverinë e demokratëve, u nda nga jeta tre vjet më parë, pasi automjeti i drejtuar nga vetë ai doli nga rruga dhe përfundoi në një rrëpirë në afërsi të Krrabës.

Ai ishte një nga figurat frymëzuese të Partisë Demokratike.

Poezia e Ardian Olldashit
S O

Mbaj mend kur ishe i ri
vezulloje si dielli i mesdites
Vazhdo te shkelqesh diamant i cmendur
Nderkohe veshtrimi i syve te tu
si vrima te zeza qiellore eshte kthyer
Vazhdo te shkelqesh diamant i cmendur
I zene rob nga zjarret
e femijerise dhe celebritetit
i shtyre nga flladi i hekurt
Eja, o arsye e shakave te vjetra
Te lutem eja i panjohur,
legjende, martir dhe shkelqe!
Shume heret e zbulove sekretin
per henen e larget vajtove

Vazhdo te shkelqesh diamant i cmendur
Kercenuar nga hijet e territ,
peshtjelle nga rrezet e drites

Vazhdo te shkelqesh diamant i cmendur
Mirepritjen tende shterove
me precizion kazual,

Kalerove stuhine e hekurt
Eja, enderrimtar, profet vizionesh

Te lutem eja artist,
sazexhi i marre peng dhe shkelqe!

Askush nuk e di se ku je,
ne je larg apo afer,

Vazhdo te shkelqesh diamant i cmendur
Me lart gdhendi shkallet e tua,
une do te vij

Vazhdo te shkelqesh diamant i cmendur

Do te ngrohemi nen hijen
e triumfit te djeshem,
do te lundrojme mbi flladin e hekurt

Eja djalosh, fitues dhe humbes,
eja gjuetar te vertetash dhe iluzionesh,
dhe shkelqe!

Ne foto: Sokol Olldashi në fëmijëri

/shqiptarja.com/