Soreca ultimatum politikës: Veproni pa vonesë në plotësimin e Gjykatës Kushtetuese

Ambasadori i BE në Tiranë, Luigi Soreca, i bën apel politikës shqiptare që të finalizojë sa më shpejtë emërimet në Gjykatën Kushtetuese.

Përmes një mesazh publikuar nga Delegacioni i BE në “Facebook”, Soreca thekson se autoritetet shqiptare duhet të veprojnë pa vonesë, me synimin për të rivendosur plotësisht funksionimin e Gjykatës.

“Është thelbësore që të finalizohen emërimet në Gjykatën Kushtetuese. #BE vazhdon të inkurajojë autoritetet shqiptare të veprojnë pa vonesë, me synimin për të rivendosur plotësisht funksionimin e Gjykatës. Kjo është një kërkesë e Konkluzioneve të Këshillit të BE-së të datës 25.3.20 dhe duhet të përmbushet para Konferences së parë Ndërqeveritare. Opinioni i Komisionit të Venecias ofron udhëzimet e nevojshme për të gjithë autoritetet kompetente shqiptare për të përfunduar me shpejtësi emërimet. BE vazhdon të qëndrojë pranë Shqipërisë  në rrugën e saj të pranimit në BE”, shkruan ambasadori Soreca.

https://www.facebook.com/eu.delegation.albania/posts/3228544047215376