Spartak Ngjela: Erdogan u soll si kalif në Shqipëri

Spartak Ngjela thotë se presidenti turk Rexhep Taip Erdogan, u soll si një kalif në Shqipëri.

Ai thotë gjithashtu se Erdogan është një autokrat dhe një udhëheqës që po kërkon të zhdukë vlerat e vendosura nga Qemal Ataturku në shtetin turk.

Megjithatë, sipas Ngjelës, Erdogan mund t’i duhet kryeministrit Rama për konfliktet e zonës.

“Është një autokrat i njohur dhe këtu u soll si kalif. Ai vuan për një kalifat. Ramës mund t’i jetë dashur për konfliktet e zonës”, tha Ngjela në emisionin “Shqip”. Ngjela është ndaluar edhe te fushata zgjedhore.

Ai tha se Rama vendosi që të mos zgjedhë Pandeli Majkon si kandidat për Bashkinë e Tiranës, pasi i rrezikonte postin e kryetarit të partisë.

Ndërsa koalicionin PS-­LSI, ngjela e sheh si një krushqi Rama­-Meta, dhe jo një koalicion mes dy partive.