Spiropali, deputetëve të opozitës: Jeni ushtria e turpit, dilni jashtë dhe shtoni numrin e protestuesve

Ministrja për Marrëdhëniet me Parlamentin, Elisa Spiropali tha sot në seancë se tensionet e shkaktuara nga opozita ishin të pritshme.

“Kjo që po bëni nuk quhet as opozitë, e dini si e ka emrin? Utopia. Ushtria e turpit opozitar. Ushtria e turpit të opozitarëve pa ide pa atdhe.

Me të parën tërhiqet vëmendja dhe njëherë më pas nxirren jashtë kësaj salle. Ose kalojmë në votim e mbyllim këtë seancë derisa këta të mësojnë të sillen dhe të vijnë në seancë. Ishte e parashikuar kjo, nuk është hera e parë që ansambli utopia i ka bërë këto. Dilni jashtë të gjithë se shtoni edhe numrin e protestuesve. Është më mirë të dilni jashtë dhe të shtoni numrin e protestuesve se këtu jeni shumë pak”, tha Spiropali.