Spiropali në fabrikën ”Dupi Frut” në Kavajë: Histori suksesi që nisi me kthimin nga emigracioni

Kryeparlamentarja dhe drejtuesja politike e PS-së për qarkun Tiranë, Elisa Spiropali vijon turin e takimeve në Kavajë. Këtë të martë ajo është ndaluar në fabrikën ”Dupi Frut”, një histori suksesi që sipas Spiropalit nisi me kthimin e vëllezërve Dupi nga emigracioni. ”Me 200 ha tokë në shfrytëzim dhe mbështetje nga programet e Ministrisë së Bujqësisë, Dupi Shpk është një model sipërmarrjeje që tregon se bujqësia shqiptare mund të jetë konkurruese, moderne dhe eksportuese me sakrifica dhe vizion të qartë”,-shkruan Spiropali.

Postimi i plotë

”Po punojmë me sytë nga Europa, dhe në sytë e Europës”,-më thanë vëllezërit Dupi gjatë vizitës në fabrikën e tyre “Dupi Frut” Shpk, një histori suksesi që nisi me kthimin e Altinit dhe Afrimit nga emigracioni në vitet 2000.

Familjarët dhe burrat e gratë e zonës janë të përkushtuar të punojnë vetë për të përmbushur kërkesat e tregjeve europiane për cilësi dhe standarde të larta. Kjo fabrikë sot shpërndan hudhra dhe fruta-perime të tjera shqiptare në të gjithë botën: Evropë, SHBA, Katar, dhe Australi.

Me 200 ha tokë në shfrytëzim dhe mbështetje nga programet e Ministrisë së Bujqësisë, Dupi Shpk është një model sipërmarrjeje që tregon se bujqësia shqiptare mund të jetë konkurruese, moderne dhe eksportuese me sakrifica dhe vizion të qartë.