Dy muaj pas një pauze përshkak të zgjedhjeve, sot deputetët e ”vjetër” u rikthyen në punë, ndërsa Kuvendi i dalë nga zgjedhjet e 11 Majit, do të nis punën në shtator. Sakaq, kryeparlamentarja Elisa Spiropali ka ndarë foto nga seanca e sotme, e cila zgjati 20 minuta. Ajo shkruan ”Kuvendi kthehet në punë, drejt objektivave për Shqipërinë 2030”.
Shqipëria në BE, është edhe oferta që PS doli në fushatë, duke premtuar që shqiptarët do të jenë pjesë e Unionit në 2030.
Edhe pse në konferencën e kryetarëve socialistët nuk treguan bonsens, demokratët tentuan që nga foltorja e Parlamentit të denonconin vjedhjen e votës së qytetarëve.
PS nuk e fshehu epërsinë e fitores së 11 majit, por pasi u largua kryeparlamentarja socialistët dhe demokratët nuk u penguan që të shtrëngonin duart me njëri-tjetrin, si në rastin e Tritan Shehut me Pandeli Majkon, apo një përqafim mes Antoneta Dhimës dhe Jorida Tabakut.
