Sulmi i serbëve ndaj EULEX. BE, NATO dhe ndërkombëtarët thirrje: Të kthehet qetësia

Përfaqësuesi i lartë i Bashkimit Europian, Josep Borrell, dënoi sulmin ndaj EULEX duke thënë se dhuna kriminale në veri të Kosovës nuk do të tolerohet.

Zëdhënësja e NATO-s, Oana Lungescu, thotë se çdo sulm i tillë është i papranueshëm dhe autorët duhet të mbajnë përgjegjësi. Po ashtu ajo shton më tej se KFOR është vigjilent dhe plotësisht i gatshëm për të zbatuar mandatin e saj në Kosovë.

Lista Serbe kërkoi nga banorët në veri të Kosovës që të mos pengojnë punën e EULEX-it dhe KFOR-it, pasi prania e tyre atje është pranuar me marrëveshje ndërkombëtare.

Pas shtyrjes të zgjedhjeve të parakohshme e të pjesshme lokale më 23 prill të vitit 2023 nga presidentja Vjosa Osmani, KQZ në Kosovë njoftoi se pezulloi të gjitha aktivitetet për organizimin e tyre.

Me nota të forta proteste reaguan dhe shumë ambasadorë të huaj në Prishtinë, përfshirë atë amerikan, gjerman dhe italian.