Sulmi në Berlin, Nishani mesazh ngushëllimi homologut Glauck

Presidenti Bujar Nishani i ka shprehur ngushëllimet homologut të tij gjerman, Joachim Gauck për sulmin terrorist në Berlin.

“Akti i mbrëmshëm terrorist në Berlin, që përgjaku Krishtlindjet e këtij viti, më tronditi shumë. Me trishtim të thellë dhe solidaritet, dëshiroj që përmes jush t’i shpreh ngushëllimet më të ndjera familjarëve dhe të dashurve të viktimave, Qeverisë Federale dhe popullit mik gjerman”, thuhet në mesazhin e kreut të shtetit shqiptar.

Presidenti dënon me forcën më të madhe këtë akt çnjerëzor dhe në këto momente dhimbje dhe zemërimi shpreh solidaritetin me popullin gjerman.