Të përjashtuarit nga grupi i PD-së në Kuvend: Rama mbështet shoqatën e bravave

Deputetët Tritan Shehu, Oerd Bylykbashi dhe Flamur Noka kanë kundërshtuar vendimin për përjashtimin apo pezullimin e tyre nga grupi parlamentar i PD-së.

”Mos u ktheni në mbështetëse të ndryshimeve antikushtetuese, anti ligjore, që grupet parlamentare i quajnë pjesë e saj, unë ju këshilloj që të verifikoni, të thërrisni, të shikoni dokumentet dhe pastaj t’i paraqisnit Kuvendit”,-tha Tritan Shehu.

“Deputeti largohet me dëshirën e tij nga grupi. Rregullorja dhe Kushtetuta nuk parashikon asnjë lloj kufizimi në lidhje me këtë”, tha Bylykbashi.

“Ju keni marrë urdhër nga kreu i regjimit që shoqata e bravave, shulave dhe llozave të trajtohet me dashuri të veçantë nga ana juaj. Ju duhet kjo shoqatë sepse pa të jeni të mbaruar. Vetëm kështu ju fusni në thes opozitës dhe e kontrolloni pluralizimin. Askush nuk ia përcakton përkatësinë deputetëve përveç se votuesit”, tha Flamur Noka.