Terrorizmi, Presidenti mbledh Këshillin e Sigurisë Kombetare

Pas sulmeve terroriste të Parisit, Presidenti Bujar Nishani do të mbledhë Këshillin e Sigurisë Kombetare.

Lajmi bëhet me dije nga Presidenca, sipas një njoftimi të së cilës, mbledhja mbahet në orën 19.00.

Kujtojmë se ky organ ka plot 10 muaj pa u mbledhur, teksa mbledhja e fundit e tij, e cila ka pasur në fokus gjithashtu çështjen e terrorizmit është mbajtur më 17 janar 2015.

Në këtë mbledhje u vu theksi në nevojën e forcimit të bashkëpunimit dhe koordinimit mes institucioneve të sigurisë. Ndërsa kryeministri Rama premtoi në atë kohë Qendrën Kombëtare të Sigurisë.