Tjetër vatër zjarri, këtë herë pranë ”Rrugës së Kombit”

Situata me zjarret në vend po kthehet në një shqetësim kombëtar, ku në zonën e Sazanit flakët nuk po shuhen prej ditësh.

Nga ana tjetër, një zjarr i përmasave të mëdha ka përfshirë masivin pyjor që ndodhet pranë ”Rrugës së Kombit”, në zonën e Repsit në Mirditë.

Flakët e zjarrit janë shfaqur rreth orës 15:00 dhe janë përhapur në një sipërfaqe të konsiderueshme, duke vënë në rrezik dhe banesat përreth. Në terren ndodhen zjarrfikësit e Mirditës, të cilët po punojnë për të vënë nën kontroll zjarrin.