Ushtari i sulmuar nga rusët, tregon se i ndaloi: Më iku shikimi për disa minuta

Një nga ushtarët e sulmuar nga “turistët” rusë këtë të shtunë në uzinën ushtarake në Gramsh, ka rrëfyer se kishte djegie në fytyrë dhe se i kishte ikur shikimi për disa minuta.

Po ashtu ushtari tha se e netralizoi shtetasin rus derisa erdhën patrullat e policisë. “Edhe nga fytyra kishim djegie. Shikimi për momentin na iku. Për momentin po. E kapëm të dy dhe e po mbanim poshtë, derisa njoftuam patrullat”, tha ai.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh. Ata sulmuan me spray neuro-paralizues dy ushtarët shqiptarë që ndodheshin në uzinë.