Vasili: LSI në mbështetje të plotë të dekriminalizimit

Kreu i grupit parlamentar të LSI-së, Petrit Vasili, ka deklaruar se LSI-ja është në mbështetje të plotë të zbatimit të dekriminalizimit.

Deklarata e Vasilit vjen pas kërkesës së Prokurorisë për shkarkimin e deputetit të LSI-së Shkëlqim Selami, atij të PD-së Dashamir Tahiri, dhe kryebashkiakut socialist të Kavajës Elvis Roshi.

Vasili thekson se dekriminalizimi është një standard i panegociueshëm për LSI-në. Ai shton se dekriminalizimi i plotë është një garanci për reformën në drejtësi dhe krijon premisa bazë për zgjedhje të lira e të ndershme.