Vasili: Pasiguria në burgje e patolerueshme

Kryetari i Grupit Parlamentar të Lëvizjes Socialiste për Integrim, Petrit Vasili, shpreh shqetësimin në lidhje me incidentet e ndodhura së fundmi në disa prej institucioneve të vuajtjes së dënimit në vendin tonë.

Në një prononcim për mediat, Vasili e cilëson të patolerueshëm pasigurinë në burgje, ndërsa i bën thirrje çdo zyrtari që të kryejë detyrën.

“Pasiguria në burgje është e patolerueshme. Duhet të marrë fund papërgjegjshmëria dhe pandëshkueshmëria. Çdo zyrtar duhet të bëjë detyrën ose të ndëshkohet”, theksoi  Petrit Vasili.