Veliaj dhe Xhafaj në Njësinë 10: Ftesë të rinjve t’i bashkohen PS, të talentuarit zgjedhin më të mirët
Fushata e anëtarësimeve të reja në Partinë Socialiste ka vijuar edhe në Njësinë 10 në kryeqytet, ku drejtuesi politik për qarkun e Tiranës, Erion Veliaj, ftoi të gjithë ata të rinj që kanë ide dhe talent, t’i bashkohen familjes së madhe socialiste.
“Po i ftove njerëzit, shumica dërrmuese thonë ‘Po’. Nëse dikujt i thua: Kisha ditëlindjen, pse nuk erdhe? Dhe ai të përgjigjet: Se nuk më ftove në festë. Kur nuk i fton njerëzit, ata nuk vijnë as në jetën reale, as në jetën politike, por dikush duhet të bëhet mukajet t’i ftojë. Nesër partisë sonë do t’i shtohen edhe të tjerë, që ne të bëhemi një forcë e pazëvendësueshme, fitimtare, për ta çuar Shqipërinë në drejtimin e duhur.
Jam i bindur se duke parë CV-të e atyre që anëtarësohen sot janë të gjithë njerëz cilësorë. Ajo që më ka bërë më shumë përshtypje është se në këtë fushatë janë anëtarësuar në Partinë Socialiste pothuajse të gjithë Presidentët e gjimnazeve të Tiranës. Se i miri shkon tek i miri, jo tek i ligu.
Ai që ka vlerë, integritet dhe del me të gjitha 10-ta, nuk shkon te partia shkon të rrëzojë qeverinë dhe rrëzon vazot e bashkisë. E redukton ambicien në dy vazo. Një njeri me logjikë, që del me 10-ta në mësime, që ka talent, që punon me djersë, do të shkojë aty ku shikon të ngjashmit e vet. Vetëm tek partia jonë, te Partia Socialiste, askund tjetër”, u shpreh Veliaj.
Kryebashkiaku Veliaj e vuri theksin te komunikimi, kur tha se politika ka për detyrë të transmetojë mesazhin ashtu siç është dhe të mos lërë vend për keqkuptime. Deputeti i PS, Fatmir Xhafaj, shprehu bindjen se Partisë Socialiste i bashkohen më të mirët. “Si çdo familje, si çdo organizëm tjetër shoqëror, edhe familja jonë politike ka nevojë që të rigjenerohet me anëtarë të rinj, me energji të reja. Në qoftë se ka një gjë që e shpjegon më së miri pse Partia Socialiste vazhdon të mbetet forcë udhëheqëse në këtë vend, që gëzon besimin e njerëzve,është padyshim fakti se ajo ka ndërthurur më së miri të katër gjeneratat brenda radhëve të saj”, u shpreh Xhafaj.
