Veliaj takim me kryebashkiakun e New York-ut: Kënaqësi të shohësh se si ka lulëzuar komuniteti shqiptar

Kryetari i Bashkisë së Tiranës, Erion Veliaj ndodhet në Amerikë dhe ka zhvilluar një takim të veçantë me kryebashkiakun e Nju Jorkut, Eric Adams. Në një postim në rrjetet sociale, Veliaj vlerëson mbështetjen që kryebashkiaku Adams i jep komunitetit shqiptar atje.

“I lumtur të takoja kryebashkiakun e Nju Jorkut, Eric Adams, sot në mëngjes, në Gracie Mansion! Kënaqësi të shohësh se si ka lulëzuar komuniteti shqiptar këtu dhe sa shumë mbështetet nga kryetari Adams dhe ekipi i tij”, thekson Veliaj.

Kryetari i Bashkisë së Tiranës, Erion Veliaj, po zhvillon një vizitë zyrtare në Shtetet e Bashkuara të Amerikës, ku mori pjesë si i ftuar në samitin “Strong Cities” në Nju Jork, për të folur mbi zhvillimin e qyteteve në dekadën e fundit, duke përfshirë edhe menaxhimin e krizave dhe sfida të tjera.

Ai gjithashtu u ndal edhe në shtetin e Ohajos, ku ndoqi nga afër atletët elitarë të Sport Klub Tiranës, të cilët po stërviten në fushat e “Kompleksit Sportiv Atletët në Veprim”, si parapërgatitje për Lojërat Olimpike “Paris 2024”.

Ende pa u hapur zyrtarisht, projekti ynë – Piramida – është kthyer në destinacion turistik! Imagjino ç’do bëhet më 16 Tetor kur të zbarkojë gjithë Europa në Tiranë!”.