Vetingu, Basha: Thirrja e Kuvendit, nismë antikushtetuese (VIDEO)

[youtube url=”https://www.youtube.com/watch?v=tD47smHivKY” width=”560″ height=”315″]

Kryetari i Partisë Demokratike Lulzim Basha në një intervistë për VOA ka deklaruar se do të ishte absurde që ligji për vetting­un të kalojë nesër dhe se është kundër thirrjes së mbledhjes së Kuvendit.

Sipas tij, nisja e procedurave parlamentare për 7 ligjet e mbetura është shkelje kushtetuese. “Është thjeshtë një manovër politike që përpiqet që të pengojë konsensusin. Në vijim të përpjekjeve për të përjashtuar opozitën nga konsensusi. Strategji e cila dështoi”, deklaroi Basha.

Basha: “Nuk mund të kalojnë, sepse këtë e ndalon kushtetuta e Republikës së Shqipërisë. Ky është një komunikim që unë e kam patur me partnerët amerikanë dhe europianë dhe do të ishte absurd që ata të mbështesnin nisjen e procesit të reformës në drejtësi duke shkelur kushtetutën e vendit, por PD ka shprehur gatishmërinë për të nisur punën me ekspertët për të shqyrtuar për draftin për Vettingun, në mënyrë që mos ketë asnjë vonesë në miratimin e ligjit.  Mazhoranca i është përgjigjur me një hile, e cila tashmë është sqaruar është një furtunë në një gotë uji. Pretendohet që drafti ka qenë gati më 4 korrik, ndërkohë që drafti është përcjellë zyrtarisht mbrëmë natën e mbrëmshme në orën 22:30. Ne e kemi marrë në dorëzim dhe ekspertët po e shqyrtojnë dhe më pas do të procedohet sipas hapave të zakonshëm. Pra nuk është gjë tjetër përvecse një manover politike e tipit që pengoi deri në çastin e fundit konsensusin me PD, ndonëse PD prej fillimit ishte zotuar për një mbështëetje totale sipas parimeve të mishëruara në rekomandimet e Venecias, në propozimin hibrid të zonjës Nuland.

Çdo përpjekje për të rikthyer tensionin nga të njëjtët që projektuan tensionin dhe përjashtimin e opozitës nga procesi jam i sigurtë që ata që dështuan në këtë projekt në rrafshin kushtetues do të dështojnë nëse përpiqen të bëjnë të njëjtën gjë në rrafshin ligjor. PD është e vendosur ti japë shqiptarë një reformë në drejtësi sipas standardeve europiane dhe amerikane. Konsensusi për të pasur armiqësi të fortë që kanë bërë gjithçka për ta përjashtuar opozitën”.