VIDEO/ Rrëfimi me lot në sy i Luizit: Benet Becit i jam mirënjohës gjithë jetën…

Finalisti i Big Brother Vip, Luiz Ejlli, ka rrëfyer të shtunën mbrëma rrugëtimin e jetës së tij. Mes momenteve pikante dhe të vështira, Ejlli u ndal tek Benet Beci, ish-kreu i KESH që sot garon për  Bashkinë e Shkodrës. Për publikun, Luizi tha se është habitur nga mbështetja që ka marrë dikur nga Beci, vetëm e vetëm pse ishtë shkodran.

“Kur nuk të ndihmojnë ata që mendon se i ke pasur afër, si mund të pretendosh të të ndihmojë dikush vetëm pse është shkodran. Personi në fjalë quhet Benet Beci, një familje shkodrane që unë e njoh shumë mirë, dhe e kam marrë në telefon. Ma ka hapur telefonin direkt. I thashë çfarë ke mundësi ndonjë vend pune, unë do ta bëj. Më ka ndihmuar, më ka futur në punë direkt dhe i jam mirënjohës gjithë jetën”.

Kujtojmë se Benet Beci është kandidati i Partisë Socialiste për bashkinë e Shkodrës. Kjo deklaratë e Luiz Ejllit vjen në një moment kur Sali Berisha ka tentuar ta përdorë imazhin e tij në fushatë, sikur Ejlli është mbështetës i PD.

Kjo deklaratë e Luizit do të ndryshojë balancat elektorale në Shkodër, duket se po fiton Benet Beci.