VIDEO/ Spitali i Sëmundjeve të Brendshme, Rama: Investimi më i madh i këtyre tre dekadave në shëndetësi

Kryeministri Edi Rama, së bashku me ministren e Shëndetësisë, Ogerta Manastirliu, kanë parë pasditen e kësaj të mërkure, nga afër punimet që po bëhen në spitalin e sëmundjeve të brendshme që është drejt përfundimit.

Kreu i qeverisë e cilëson këtë si investimin më të madh të tre dekadave të fundit në shëndetësi, ku në facebook nënvizon se ky spital do të ngrejë më tutje nivelin e shërbimit shëndetësor publik me standarde evropiane.

“Drejt përfundimit investimi më i madh i këtyre tre dekadave në shëndetësi. Spitali i Ri i Sëmundjeve të Brendshme në QSUT, me 350 shtretër të rinj, i cili do të ngrejë më tutje nivelin e shërbimit shëndetësor publik me standarde evropiane”, ka shkruar kryeministri Rama në Facebook.