Vijon drama italiane, regjistrohet ulje e numrit të viktimave, 727 në 24 orët e fundit

Italia e ka nisur muajin prill me një rënie sa i përket numrit të viktimave nga koronavirusi teksa ka shënuar 727 në 24 orët e fundit.

Në total tashmë Italia regjistron 13 mijë e 155 viktima kurse të prekur ka 110 mijë e 574 pasi në 24 orët e fundit rezultuan 2 mijë e 937 persona pozitivë.

Po ashtu 66 doktorë kanë humbur deri më sot jetën kurse 16 mijë e 847 janë shëruar plotësisht që kur pandemia ka shpërthyer në Itali.

Kujtojmë se dje Italia në 24 orë shënoi 837 viktima, pra sot ka regjistruar një trend me një ulje prej 100 viktimash më pak.