Votat preferenciale nga diaspora, Celibashi: Janë edhe 50 mijë fletë votimi për t’u numëruar

Kryekomisioneri Ilirjan Celibashi, në një konferencë për mediat, tha se kanë mbetur ende 50 mijë fletë votimi pa numëruar për kandidatët.

Ndër të tjera, Celibashi tha se kanë rezultuar 2 mijë fletë të pavlefshme.

“201 795 numri i fletëve të votimit të vlerësuara, prej të cilave 199 824 janë fletë votimi të vlefshme. 1971 janë të pavlefshme. Për ta kuptuar më qartë janë 201 795 votues nga jashtë. Pra po të vëreni dhe ta konstatoni pasi të mbarojmë bashkëbisedim nga numri total i zarfeve postarë të mbërritur në KQZ, janë 110, janë shqyrtuar 95 apo 98, ka kuptim logjik. Nga kjo e tërë e shqyrtuar kanë rezultuar numër pak më i vogël fletësh votimi që u janë nënshtruar procesit dhe tani po vazhdon vlerësimi i fletëve të votimit për kandidatët. Këto fletë votimi janë duke u rivlerësuar vetëm për kandidatët. Janë përjashtuar fletët e votimit që ka vota vetëm për partitë politike, dhe po vlerësohen vetëm ata që kanë pasur votë për kandidatët”, u shpreh Celibashi.