Votimi në OKB kundër Rusisë/ Rama: Rreshtimi i Serbisë përsëri me Perëndimin, lajm i mirë për rajonin

Kryeministri Edi Rama ka reaguar menjëherë pasi Rusia u pezullua nga Këshilli i OKB-së për të Drejtat e Njeriut. Kreu i qeverisë e ka vënë sërish theksin tek Serbia, ku thotë se rreshtimi i saj përsëri me Perëndimin, është një lajm i mirë për rajonin.

”Pezullimi i Rusisë nga Human Rights Council në OKB refuzim i fortë për të pranuar shkeljen brutale të çdo lirie e të drejte dhe krimet mizore të luftës në Ukrainë. Rreshtimi i Serbisë përsëri me Perëndimin në këtë përshkallëzim të ri kundër agresionit rus, lajm i mirë për rajonin”,-shkruan Rama në facebook.

Qëndrimet e Ramës ndaj Serbisë vijnë në një kohë që opozita në vend bën thirrje që Shqipëria të dalë nga nisma ”Open Balkan”, pasi për ta Serbia është pro Rusisë.

Pezullimi i Rusisë nga Human Rights Council në OKB refuzim i fortë për të pranuar shkeljen brutale të çdo lirie e të drejte dhe krimet mizore të luftës në Ukrainë.Rreshtimi i Serbisë përsëri me Perëndimin në këtë përshkallëzim të ri kundër agresionit rus, lajm i mirë për rajonin!

— Edi Rama (@ediramaal) April 7, 2022