Zbulohet deputetja e PD që votoi në emër të Bardhit dhe për kolegët në Kuvend

Të martën në Kuvend u votuan ministrat e rinj dhe kryetarja e re e Parlamentit, dhe një befasi ishte vota e Gazment Bardhit që doli në sistem, në një kohë që ai ishte duke protestuar në foltore me disa deputetë të tjerë. Kush votoi në vend të Bardhit?

Kamerat e Kuvendit identifikuan shumë shpejt se në vend të tij, votonte deputetja Ori Nebiaj, që kishte marrë përsipër të shtypte kartën elektronike edhe për kolegët.

Kodi i sjelljes e konsideron një akt të tillë shkelje të rëndë të Rregullores së Kuvendit, por mesa duket opozitarët kanë vendosur të mbyllin sytë kur shkeljet i kryejnë ata vetë duke rrëzuar me një votim të thjeshtë në Parlament edhe kauzën e tyre për zgjedhje të lira dhe të ndershme.

Por një tjetër lajm është dhe ulja e Nebiajt pranë Bardhit, pasi ajo nuk është pjesë e Rithemelimit, por ka mbështetur grupin Basha, dhe nga ana tjetër nuk ka dhënë një qëndrim se kë grup mbështet pasi vula e PD-së shkoi tek Berisha.