Zgjedhjet 2025, ambasadori i BE-së në Tiranë: Koha për dialog politik gjithëpërfshirës

Ambasadori i BE-së në Tiranë, Silvio Gonzato flet sërish për Reformën Zgjedhore teksa zgjedhjet e ardhme parlamentare po afrojnë. Ai iu bën thirrje palëve politike që të dialogojnë për të siguruar një marrëveshje të gjerë rreth reformës zgjedhore.

“Me afrimin e zgjedhjeve parlamentare të vitit 2025, ne kemi nevojë për dialog politik gjithëpërfshirës për të siguruar një marrëveshje të gjerë rreth Reformës Zgjedhore. Këtë e theksova në takimin tim të djeshëm me Komisionerin Shtetëror të Zgjedhjeve Ilirjan Celibashi, duke ndarë pikëpamjen e ODIHR-it se ndryshimet legjislative duhet të dakordësohen në konsultim me të gjithë aktorët e përfshirë. BE-ja do të vazhdojë të mbështesë KQZ-në në përpjekjet e saj për organizimin e zgjedhjeve sipas standardeve të Bashkimit Evropian”, mbyllet reagimi i ambasadorit të BE.

Me afrimin e zgjedhjeve parlamentare të vitit 2025, ne kemi nevojë për dialog politik gjithëpërfshirës për të siguruar një marrëveshje të gjerë rreth #ReformësZgjedhore. Këtë e theksova në takimin tim të djeshëm me Komisionerin Shtetëror të Zgjedhjeve Ilirjan Celibashi … 1/2 https://t.co/g3ntWHdei8

— EU in Albania (@EUinAlbania) February 1, 2024