Zgjedhjet në Kolonjë, fond prej 4 milion lekësh KQZ-së

Qeveria shqiptare ka akorduar një fond prej 4 milionë lekësh për zgjedhjet në Bashkinë e Kolonjës.

Në mbledhjen e sotme të qeverisë, shuma në fjalë (4 907 000) i është akorduar Komisionit Qendror të Zgjedhjeve me qëllim organizmin e zgjedhjeve të pjesshme për kryetar të Bashkisë Kolonjë. Efekti i këtij financimi do të përballohet nga fondi rezervë i buxhetit të shtetit për vitin 2016.

Zgjedhjet e parakohshme në Bashkinë e Kolonjës do të zhvillohen më 20 nëntor pas ndarjes nga jeta në mënyrë të parakohshme të kryebashkiakut Arben Malo.