Zgjedhjet për kryetar dege të PS-së, Rama: Në total 561 kandidatë

Këtë pasdite, Partia Socialiste do të mbledhë Kryesinë për zgjedhje e 61 kryetarëve të degëve në këtë parti. Kryesocialisti Edi Rama ka publikuar shifrat e kandidatëve për kryetarë ku në total janë 561 kandidatë për kryetarë në bashki. 34% e kandidaturave janë të rinj të moshës nën 35 vjeç, më konkretisht 190 kandidatë.

263 kandidatë janë nga mosha 36-50 vjeç ose 47% e kandidaturave. Vajza dhe gra përbëjnë 32.2% të kandidaturave në shkallë vendi. Nga 27 bashki, 18 kryetar aktualë kanë kandiduar për qenë edhe kryetar të PS-së.

Pas marrjes së rezultateve nga komisioni i ngarkuar për të zhvilluar dëgjesat, kryesia në vijim do të bëjë edhe vendimarrjen e saj, për të caktuar kryetarët e rinj. Në Kongresin e PS-së u vendos shkarkimi i kryetarëve të degëve, kjo me qëllim riorganizimin për zgjedhjet vendore të 2023.