”Zona e ndaluar” për Samitin e BE në Tiranë, në terren 1500 forca të Policisë

Të martën e 6 dhjetorit, në Tiranë do të jenë dy ngjarje të mëdha. E para që ndodh për herë të parë është Samiti i Bashkimit Europian dhe Ballkanit Perëndimor, ku 30 liderë nga Europa do të mbildhen në Tiranë, dhe e dyta është protesta e thirrur nga Sali Berisha, që nga aleatët ka veç mbështetjen e Ilir Metës.

Ndaj dhe rreth 1500 efektivë pritet ë të jenë në terren, ndërsa akse të shumta rrugore do të bllokohen për kalimin e delegacioneve. Niveli i masave të sigurisë parashikon ato që janë ndërmarrë kur Tiranën e ka vizituar ish-sekretari amerikan i shtetit, John Kerry apo dhe Papa Françesku.

Policia e Shtetit, e cila ka refuzuar kërkesën e PD-së së Berishës për protestë para Kryeministrisë, bëjnë me dije se po shikohen disa mundësi që të bllokohen akset që të çojnë drejt bulevardit Dëshmorët e Kombit, që të shmanget rrugëkalimi i delegacioneve në këtë aks ose të këtë intenerare të tjera qarkullimi që nuk pengojnë përmbushjen e axhendës.