Zyrtare – Franca i thotë përfundimisht “Jo” Shqipërisë dhe Maqedonisë së Veriut

Në lidhje direkte gazetarja Erisa Zyka nga Brukseli, konfirmoi për emisionin “Opinion” në tv Klan vendimin zyrtar dhe përfundimtar të Francës, e cila refuzon zgjerimin e BE-së, ku presidenti Macron nuk ka do të ndryshojë vendimin e tij për t’i thënë “Jo” çeljes së negociatave mes BE-së dhe Shqipërisë e Maqedonisë së Veriut.

Erisa Zyka nga Brukseli: Lajmi i fundit që më ka ardhur është që Presidenti i Francës nuk do të ndryshojë qëndrimin e tij lidhur me Maqedoninë e Veriut dhe Shqipërinë. Është konfirmimi që ka ardhur enkas për emisionin Opinion.

Raportimi i saj u bë teksa, kishte nisur darka e punës e 28 liderëve europianë, të cilët kanë në axhendën e tyre, së pari çështjen e zgjerimit dhe pastaj çështjen e Turqisë.

“Holanda po ashtu ka qenë kundër Shqipërisë.  Danimarka ka insistuar që të ndajnë Shqipërinë nga Maqedonia e Veriut, sipas saj mund të kishte një mundësi për një dritë jeshile për Maqedoninë e Veriut. Për Shqipërinë thotë se kriteret nuk janë plotësuar, ndërkohë dhe Spanjën e kemi patur kritike për shkak të grupeve kriminale të trafikut të drogës. Këto vende kanë qenë Ok për Maqedoninë e Veriut, nëse Franca dhe Holanda do të kishte thënë po”,tha më tej gazetarja.

vijon…