Zyrtarja e Lartë e DASH zbarkon të premten në Tiranë, takimi me Alibeajn jo në selinë blu
Politikë E Martë, 26 Prill 2022 19:37
Shtetet e Bashkuara të Amerikës nuk e njohin Komisionin e Rithemelimit si drejtues në PD-së. Zyrtarja e lartë e Departamentit Amerikan të Shtetit (DASH), Karen Donfried, ndihmës Sekretare për Byronë e Çështjeve Evropiane dhe Euroaziatike, do të vizitojë Shqipërinë më 28 prill, në kuadër të një turi që do të zhvillojë në Ballkanin Perëndimor.
Zyrtarja e lartë e SHBA-së, do të ketë edhe një takim me Enkelejd Alibeajn, kryetarin e Grupit Parlamentar të PD, i cili nga amerikanët njihet si kryetari në detyrë i PD-së.
Takimi nuk do të jetë në selinë blu, por në zyrën e Kuvendit të premten rreth orës 10:30, ku do të jenë të pranishëm edhe Jorida Tabaku dhe anëtarë të tjerë të grupit parlamentar, por jo anëtarë të Komisionit të Rithemelimit.
